Қорғасын-мырыш тау-байыту комбинатының құрылысы басталды

Болашақ байыту комбинатының орнындағы құрылыс жұмыстарының бастауы Шалқы ТБК болашақ қызметкерлеріне жолдай отырып, «уақыт капсуласын» қалау құрметімен байланыстырылды.

Салтанатқа Қызылорда облысының әкімі Қырымбек Көшербаев, «Самұрық-Қазына» Ұлттық әл-ауқат қоры» АҚ Басқарма төрағасының орынбасары Алик Айдарбаев, «Тау-Кен-Самұрық» Ұлттық таукен компаниясы Басқармасының Төрағасы Қанат Құдайберген және ENGINEERING DOBERSEK GmbH компания-мердігердің бас директоры Альбин Доберсек қатысты.  

ТБК жоғары сапалы қорғасын және мырыш концентраттарын шығаратын болады. Бұл өнімнің Қазақстанда және әлемдік нарықта сұранысқа ие екендігі өткізу нарығын кепілдендіреді.

Жобаның құны 651 миллион долларды құрайды, қазіргі уақытта 35 миллиард теңге инвестиция жұмсалды.

Кен орнының дәлелденген қоры 2051 жылға дейін тау-кен өндірісі мен кенді қайта өңдеу мүмкіндігін ұсынады.

«ШалкияЦинк ЛТД» АҚ Бас директоры Асқар Джаукенов: «Сыйымдылығы 2 миллион тонна болатын кешеннің 1-кезеңін іске қосу 2020 жылдың қазан айына жоспарланған, қуаттылығы 4 миллион тонна болатын екінші іске қосу кешені 2021 жылдың қарашасында жұмысын бастайды», – деді

Салынып жатқан кәсіпорынның аймақтың экономикалық және әлеуметтік дамуы үшін стратегиялық маңыздылығын ескере отырып, Қызылорда облысының әкімдігі, «ШалқияЦинк ЛТД» АҚ және «ENGINEERING DOBERSEK» компаниясы Шалқия ТБК құрылысына қатысты мәселелерде өзара қолдау туралы келісімге келді және тиісті меморандумға қол қойды.

ТЕХНОЛОГИЯЛЫҚ ЕРЕКШЕЛІКТЕР: Бірегей техникалық және технологиялық шешімдер жоғары өнімділікті және энергияны аз тұтынуды қамтамасыз етеді. Мысалы, кенді ұсақтаудың алғашқы кезеңдері жер астында жүзеге асырылады. Биіктігі 200 м болатын жоғары тиімді тік конвейер шикізатты шахтадан жер бетіне көтереді (Қазақстанда құрылғының баламалары жоқ).

Өнеркәсіп 4.0. ЦИФРЛЫ ТБК: «ШалқияЦинк ЛТД» АҚ Жобаларды басқару жөніндегі басқарушы директоры Анатолий Лигайдың айтуынша, автоматтандырудың жоғары дәрежесі өндірістік цикл, процестер мен жабдықты қашықтықтан басқару туралы ақпараттың онлайн режимінде қол жетімділігін қамтамасыз етеді. Бұл адам факторының әсерін азайтады, және нәтижесінде , ТБК тұрақты жұмысын қамтамасыз етеді.

«Механобр», «Outotec», «Engineering Dobersek», «ТОМС» сияқты әлемге әйгілі компаниялар кен байыту үдерісінің схемасын әзірлеу мен оңтайландыруға қатысты.