ҚР құрылыстағы ақпараттық модельдеуді пайдалана бастайтын болады.

Цифрлық технологиялар біздің өмірімізді өзгертеді – кешегі идея жаңа стандартқа, қандай да бір саладағы кезекті ұмтылыстың бастауына айналады. Қазақстанда ұлттық экономиканың нағыз консервативтік салаларының бірі – құрылысты түбегейлі өзгертетін нағыз цифрлық ұқмтылыс басталды.

2018 жылдың өзінде Қазақстанда ВІМ-технологияға негізделген стратегиялық құжатты бекіту ресми деңгейде жоспарланған. «Қазақстан Республикасының өнеркәсіптік және азаматтық құрылысында ақпараттық модельдеу технологиясын енгізу тұжырымдамасы» ҚР Инвестиция және даму министрлігінің Құрылыс және ТКШ комитетінде қаралды, Қазақстанның сарапшылық қауымдастығымен талқылануда. 

Құжаттың авторы «Қазақ құрылыс және сәулет ғылыми-зерттеу және жобалау институты» АҚ Ақпараттық модельдеу орталығының сарапшылары (ҚазҚСҒЗЖИ).

Құжатты әзірлеушілердің өздері құжатты  building information modeling (құрылыстағы ақпараттық модельдеу – ағылшынша, BIM), «шешім қабылдау үшін сенімді ненгіз қалыптастыруда жобалау, құрылыс және пайдалану процестеріне жәрдемдесу үшін құрылыс объектісін жалпы цифрлық елестетуді қолдану» ретінде түсіндіреді. Басқаша айтқанда, ғимаратты жобалау және оныфң құрылысы кезіндегі қағаз жұмыстары нөлге дейін азаяды, ал барлық процестер цифрлық ортаға көшеді, оған барлық мүдделі тараптар қолжетімді болады: тапсырыс берушіден бастап және архитектордан бастап мердігерге дейін, мысалы өрт қауіпсіздігі мамандарына дейін. Егер тіптен жеңілдететін болсақ, онда бұл құрылыс объектісі туралы барлық маңызды ақпаратты жинау және басқару процесі. ВІМ – қарапайым 3D-модельдеу емес, бұл құрылыс объектісі бойынша деректерді бір жерге біріктіретін және өңдейтін толыққанды шешім.